बाळा तुला या लीला.. कोण बरं शिकवतं..!

कधी खुदकन हसतं..  मध्येच रडू लागतं..

बाळा तुला या लीला..  कोण बरं शिकवतं..!


उठ म्हणलं की झोपतं..  झोप म्हणलं की उठतं..

बाळा तुला या लीला..  कोण बरं शिकवतं..!


स्पर्शाने स्पर्श ओळखतं..  अन डोळ्याने किती बोलतं..

बाळा तुला या लीला..  कोण बरं शिकवतं..!


स्वतः शून्यात हरवतं..  अन इतरांची नजर खिळवतं..

बाळा तुला या लीला..  कोण बरं शिकवतं..!


सर्वाना लळा लावतं..  सर्वास बांधून ठेवतं..

बाळा तुला या लीला..  कोण बरं शिकवतं..!