श्रीकृष्णमर्पणमस्तु!!!

सोळा हजार एकशे आठ, भार्या तुझ्या आहेतना..
एक भर माझी पड़ता, हरकत तुझी नसेलना..

उँची नसेल माझी जरी, कृपा तुझी लाभेलना..
सेवा तुझी करण्याकरता, पात्र मी होइलना..

इथे सारे क्षणाचे सोबती, आजचे उद्या नसेलना..
तूच शाश्वत सखा माझा, अखंड सौभाग्य देशीलना..

हिशोबी जगाच्या मेंदूमध्ये, अडचण माझी होइलना..
प्रेमळ तुझ्या  हृदयामध्ये,  जागा  मला मिळेलना..

भोळे भाबडे मन माझे, कोणास उमजत नसेलना..
जिंकूनी पण तू माझा, स्वीकार तू करशीलना..